- 14 Августа 2020, 08:38
2020 сыл от ыйын 31 күнүгэр күүһүгэр киирбит 223-ФЗ нүөмэрдээх Федерация сокуонунан (2020.07.20 күнүнээҕи) олоҕуран сууттар холуобунай дьыалалары көрөөһүннэригэр уларыйыы киирдэ.
Ол курдук, РФ Холуобунай процессуальнай куодексын 40 баһыгар ыйыллыбытынан эмсэҕэлэнээччи уонна судаарыстыба бурудааччыта сөбүлэҥнээх сууттанааччы буруйун утарбат буоллаҕына суут бириигэбэри дьыаланы дьүүлгэ ырытыыта-үөрэтиитэ суох таһаарыан сөп.
Бириигэбэр итинньик ураты (судургу) бэрээдэгинэн ыытыллар түгэнигэр сууттанааччы накаастабылын кээмэйэ ыстатыйа саамай улахан накаастабылыттан үс гыммыт иккититтэн тахсыа суохтаах.
Бу ураты бэрээдэгинэн Чурапчы улууһугар быһа холоон 40% холуобунай дьыала көрүллэрэ.
Урукку сокуон редакциятынан итинник бэрээдэгинэн кыра, орто уонна ыар буруйдарга көбүтүллүбүт дьыала көрүллүөн сөбө. Онтон 2020 сыл от ыйын 31 күнүттэн саҕалаан аны итинник бэрээдэгинэн кыра уонна орто буруйдарга көбүтүллүбүт дьыалалар эрэ көрүллүөхтэрин сөп.
Кыра уонна орто буруйдар ахсааннарыгар РФ Холуобунай куодексын 15 ыст. олоҕуран соруйан оҥоһуллубут буруйдарга биэс сылга диэри көҥүлү быһыы, онтон сэрэҕэ суохтан оҥоһуллубут буруйдарга уон сылга диэри көҥүлү быһыы накаастабыллардаах буруйдар киирсэллэр.
Ол аата билигин дьиэҕэ өтөн киириилээх уонна баан счетуттан уоруулар (РФ ХК 158 ыст. 3 чааһ. “а” уонна “г” пуун.), киһини быһахтааһыннар (РФ ХК 111 ыст. 2 чааһ. “з” пуун.), кырбааһыннаах халааһыннар (РФ ХК 161 ыст. 2 чааһ. “г” пуун.), бөдөҥ кээмэйдээхтик сокуоннайа суох маһы кэрдээһиннэр (РФ ХК 260 ыст. 2 чааһ. “а” пуун.) уонна да атын буруйдар суутка ураты бэрээдэгинэн көрүллэр кыахтара суох. Ити дьайыыларга тэриллибит дьыалалар матырыйааллара толору дьүүлгэ үөрэтиллэллэр, туоһулара доппуруостаналлар, уонна сууттанааччы ыстатыйаҕа ыйыллыбытынан буруйа дакаастаннаҕына накаастабылын толору сүгэр, урукку ураты бэрээдэги кытар сибээстээх сымнатыы киниэхэ көрүллүбэт.
Чурапчы улууһун прокурора И.В. Ядреев
Прокуратура
Республики Саха (Якутия)
14 Августа 2020, 08:38
Суут ураты (судургу) бэрээдэгинэн көрөр дьыалалар ахсааннара кыччаата
2020 сыл от ыйын 31 күнүгэр күүһүгэр киирбит 223-ФЗ нүөмэрдээх Федерация сокуонунан (2020.07.20 күнүнээҕи) олоҕуран сууттар холуобунай дьыалалары көрөөһүннэригэр уларыйыы киирдэ.
Ол курдук, РФ Холуобунай процессуальнай куодексын 40 баһыгар ыйыллыбытынан эмсэҕэлэнээччи уонна судаарыстыба бурудааччыта сөбүлэҥнээх сууттанааччы буруйун утарбат буоллаҕына суут бириигэбэри дьыаланы дьүүлгэ ырытыыта-үөрэтиитэ суох таһаарыан сөп.
Бириигэбэр итинньик ураты (судургу) бэрээдэгинэн ыытыллар түгэнигэр сууттанааччы накаастабылын кээмэйэ ыстатыйа саамай улахан накаастабылыттан үс гыммыт иккититтэн тахсыа суохтаах.
Бу ураты бэрээдэгинэн Чурапчы улууһугар быһа холоон 40% холуобунай дьыала көрүллэрэ.
Урукку сокуон редакциятынан итинник бэрээдэгинэн кыра, орто уонна ыар буруйдарга көбүтүллүбүт дьыала көрүллүөн сөбө. Онтон 2020 сыл от ыйын 31 күнүттэн саҕалаан аны итинник бэрээдэгинэн кыра уонна орто буруйдарга көбүтүллүбүт дьыалалар эрэ көрүллүөхтэрин сөп.
Кыра уонна орто буруйдар ахсааннарыгар РФ Холуобунай куодексын 15 ыст. олоҕуран соруйан оҥоһуллубут буруйдарга биэс сылга диэри көҥүлү быһыы, онтон сэрэҕэ суохтан оҥоһуллубут буруйдарга уон сылга диэри көҥүлү быһыы накаастабыллардаах буруйдар киирсэллэр.
Ол аата билигин дьиэҕэ өтөн киириилээх уонна баан счетуттан уоруулар (РФ ХК 158 ыст. 3 чааһ. “а” уонна “г” пуун.), киһини быһахтааһыннар (РФ ХК 111 ыст. 2 чааһ. “з” пуун.), кырбааһыннаах халааһыннар (РФ ХК 161 ыст. 2 чааһ. “г” пуун.), бөдөҥ кээмэйдээхтик сокуоннайа суох маһы кэрдээһиннэр (РФ ХК 260 ыст. 2 чааһ. “а” пуун.) уонна да атын буруйдар суутка ураты бэрээдэгинэн көрүллэр кыахтара суох. Ити дьайыыларга тэриллибит дьыалалар матырыйааллара толору дьүүлгэ үөрэтиллэллэр, туоһулара доппуруостаналлар, уонна сууттанааччы ыстатыйаҕа ыйыллыбытынан буруйа дакаастаннаҕына накаастабылын толору сүгэр, урукку ураты бэрээдэги кытар сибээстээх сымнатыы киниэхэ көрүллүбэт.
Чурапчы улууһун прокурора И.В. Ядреев
